清理麥理浩徑「山竹」遺物 駐軍做義工 制服有惑 - 20181015 - 港聞

【明报专讯】超强颱风「山竹」破坏咗香港好多地方，上周六（前日）中联办、外交部驻港特派员公署、解放军驻港部队同中资机构，组织咗600几人嘅义工队伍，去咗麦理浩径清理山竹造成嘅塌树同垃圾，中联办亦图文並茂讲今次义工活动，形容活动叫「劳动最光荣，义工在行动」。不过驻港解放军著住制服去清理，就引起唔少人疑虑，部分人质疑佢哋违反《驻军法》。

张建宗：完全无要求协助

政务司长张建宗噚日亦被问到解放军做义工一事，佢话今次特区政府喺呢个义工活动上无角色，政府有足够能力善后，完全无要求解放军协助，而义工活动事前有通知渔护署，佢希望大家唔好过分演绎。

被问到会唔会建议解放军下次做义工唔好著制服，避免外界担心，张建宗就话呢点佢可以反映，相信解放军亦明白大家有意见，但话对方出发点都係为香港好。佢又话，解放军都有义工队，其实佢哋经常去探访安老院、孤儿院。

中联办：为香港献真情

而中联办前日嘅新闻稿就话，佢哋希望將麦理浩径100公里路段全部清理，为香港「贡献我们的真情和力量」，当日有分工清理唔同路段，「行山市民路过看到，纷纷向义工队伍竖大拇指称讚並表示感谢，有些市民还主动提出和义工们合影留念」。

公民党议员谭文豪喺facebook质疑解放军违反《驻军法》，话对方著军服就係军官士兵而唔係义工。

陆颂雄话正常过正常

谭文豪质疑违反驻军法

工联会议员陆颂雄就话「救灾救民是军队的天职」，故今次係「正常过正常」。